Jańa Ózbekstannıń rawajlanıw strategiyasınıń jeti tiykarǵı baǵdarınan kelip shıǵıp, Qaraqalpaqstan awıl xojalıǵı hám agrotexnologiya institutında 2025-jıldıń aprel-iyun aylarında ótkeriletuǵın
media-ilajlar rejesine tiykar institut rektorı B.Jollibekov basshılıǵında 22-aprel kúni institutımız student jasları qatnasıwında “Rektor hám student jaslar” ushırasıwı shólkemlestirildi.

Ushırasıwda institut rektorı B.Jollıbekov mámleketimizde awıl xojalıǵın rawajlandırıw sonıń menen bir qatarda azıq-awqat qáwipsizligin támiyinlew ushın alıp barılıp atırǵan reformalar, jaslar siyasatı baǵdarında ámelge asırılıp atırǵan jumıslar, institutimizdiń búgingi kúnde jaslarǵa jaratıp atırǵan imkaniyatları haqqında maǵlıwmatlar berdi.

Bul ushırasıw arqalı oqıw orınlarında bilimlendiriw hám ilimniń rawajlanıwı, studentler turmısı, olardıń mashqalaları, pikir-usınıslar hám institutta ámelge asırılıp atırǵan jańalanıwlar haqqında pikir alısıw ushın oǵada áhmietli ilaj esaplanadı.

 Álbette Rektor hám student jaslar ushırasıwı arqalı institutımız student jasları ózlerin qızıqtırǵan sorawlar menen múrájat etiw imkaniyatına iye boldı.
Ushırasıw sońında Respublikamız kóleminde de bilimlendiriw orınlarında ótkerilip atırǵan ashıq rektor kubogi bellesiwinde joqarı orınlardı ielegen student jaslarımız óz teńleslerine órnek bolıwı ushın institut rektoratı tárepinen erisken nátiyjeleri menen qutlıqlanıp olarǵa qosımsha stipendiyalar menen sıylıqlanıwı da aytıp ótildi. Student jaslarǵa qaratılıp atırǵan bunday itibar olardı ele de alda ilgerilep bunnan da joqarı orınlarǵa shıǵıwına túrtki bolıwı sózsiz.