2025-jılı respublika máhállelerinde qáwipsiz ortalıq jaratıw, jaslar arasında huqıqbuzarlıqlar hám jınayachılıqtıń erte aldın alıw boyınsha Ózbekstan Respublikası Prezidenti qararınıń orınlanıwın támiyinlew (“Kóshpeli sud” hám “Jınayat dodalawları”) huqıqıy úgit-násiyatlaw jumısların ele de keńnen en jaydırıw maqsetinde Qaraqalpaqstan awıl xojalıǵı hám agrotexnologiyalar institutında ruwxıy-aǵartıwshılıq ilajı bolıp ótti.

 Ilajǵa Jaslar menen islesiw, ruwxıylıq hám aǵartıwshılıq isleri boyınsha birinshi prorektor M.Dáuletmuratov, Jınayat isleri boyınsha Taqıyatas rayonı sudyası A.Davletov, institut profilaktika inspektorı T.Keńesbaev, dekan orınbasarı, tyutor hám student jaslar qatnastı.
Ilajdı institutimizdiń birinshi prorektorı M. Dauletmuratov ashıp berdi hám basqarıp bardı. Eń dáslep ol student jaslar hám puqaralar turmısında bul qarardıń áhmietli orın tutıwı, mámleketimizdegi huqıqıy mádeniyattı arttırıw hám jaslar arasında jınayachılıqtıń aldın alıwda alıp barılıp atırǵan jańasha is-ilajlarǵa toqtap ótti.
 Ótkerilgen ilajda shıǵıp sóylegenler tárepinen jaslar arasında huqıqbuzarlıqlardıń aldın alıw, huqıqıy tárbiyanı kúsheytiw, profilaktikalıq jumıslardıń nátiyjeliligin arttırıw, sonday-aq, institutımız tárepinen bul boyınsha ámelge asırılıp atırǵan jumıslar haqqında hár tárepleme maǵlıwmat berildi.
 Ilaj qatnasıwshılarına ámeldegi nızamlar, huqıqbuzarlıqlardıń unamsız aqıbetleri hám hár bir puqaranıń jámietlik qáwipsizligin támiyinlewde belsendilik kórsetiwde student jaslardıń ornı ayrıqsha ekenligi atap ótildi.
 Ushırasıw dawamında student-jaslar ózlerin qızıqtırǵan huqıqıy hám sociallıq sorawlarına qánigelerden tolıq juwaplar aldı.