Usı jıldıń 28-29-may kúnleri Ándijan awıl xojalıǵı hám agrotexnologiyalar institutında Ózbekstan Respublikası Awıl xojalıǵı ministrligi, Evropa Awqamınıń Erasmus+ ofisi tárepinen “Joqarı bilimlendiriw mákemelerinde xalıqaralıq baylanıslardı jáne de rawajlandırıw maqsetinde treningler hám klaster ushırasıwı” shólkemlestirildi.

 Ilaj dawamında awıl xojalıǵı, suw resursların basqarıw hám qorshaǵan ortalıq baǵdarlarında ámelge asırılıp atırǵan Erasmus+ baǵdarlamasınıń aldıńǵı joybarları, tabıslı ámeliyatları hám olardıń turaqlı nátiyjeleri dodalanbaqta.

 Bul ilajda institutımızdıń Bilimlendiriwdiń sapasın qadaǵalaw bóliminiń baslıǵı D.Jumamuratov hám tayanısh doktorantı B.Abdikairovlar qatnaspaqta. Ilajda B.Abdikairov institutımızda ámelge asırılǵan BUzNET joybarı boyınsha maǵlıwmat berip, óziniń bayanatı menen qatnastı.