Qaraqalpaqstan Respublikası Joqarǵı Keńesiniń Baslıǵınıń tapsırması menen aymaqta IT tarawın ele de rawajlandırıw, jaslardı bul tarawǵa qızıqtırıw, sırt ellerden IT eksportyor kárxanaların keńnen qamtıw arqalı jańa jumıs orınların ele de kóbeytiw maqsetinde «Digital Forum Karakalpakstan 2024» IT forumı shólkemlestirildi.

 Usı jıldıń 30-may sánesinde Moynaq rayonında bolıp ótetuǵın «Stixiya» festivalı sheńberinde «Digital Forum Karakalpakstan 2025» IT-forumın shólkemlestiriw boyınsha Qaraqalpaqstan Respublikası Ministrler Keńesiniń 2025-jıl 22-maydaǵı 01-08/6-05/235-sanlı protokolı tastiyiqlanǵan.

 Forumǵa dúnya hám Ózbekstan kólemindegi IT qánigeler hám spikerlerdi qamtıp alıw, olar tárepinen IT tarawındaǵı karera hám professional brend, jumıs qıdırıw hám frilanserlik temasında seminar treningler ótkerildi.

 Óz gezeginde Xabar texnologiyaları, matematika, fizika hám ximiya kafedrası asissent-oqtıwshıları A.Kdırbayev hám Sh.Abdikarimovlar hámde Xabar texnologiyaları hám sistemaları tálim baǵdarı studentleri menen birgelikde Forumǵa belsendi qatnastı hám dúnya hám Ózbekstan kólemindegi IT qánigeler menen óz pikir hám kónlikpelerin almastı.