Mámleketimizde joqarı oqıw orınları student-jasları ushın jazǵı dem alıstı mazmunlı shólkemlestiriw, olardı sport, mádeniy, intellektuallıq hám sociallıq belsendi ilajlarǵa keńnen tartıw maqsetinde Qaraqalpaqstan Respublikası Ministrler Keńesi hám Joqarı bilimlendiriw, ilim hám innovaciyalar ministrliginiń baslaması menen Ájiniyaz atındaǵı Nókis mámleketlik pedagogikalıq institutınıń oqıw-dala ámeliyatı orayında “Studentler jazǵı dem alıw orayı” shólkemlestirildi.

 Bul dem alıw orayında Qaraqalpaqstan awıl xojalıǵı hám agrotexnologiyalar institutınıń student-jasları da belsene qatnaspaqta. Áhmiyetli 90 kún joybari sheńberinde studentler ushın bir qatar áhmietli ushırasıwlar, sheberlik sabaqları, sport jarısları, teatr hám kino kesheleri, dógerek shınıǵıwları ótkerilmekte.

 Dem alıw orayında jaslarǵa qolaylıq jaratıw maqsetinde barlıq zárúr sharayatlar – awqatlanıw, jasaw, gigiena, sport maydanshaları, koncert saxnaları, kitapqumarlıq ushın arnawlı zonalar – zamanagóy talaplar tiykarında shólkemlestirilgen.

 Studentler ushın jaratılǵan salamat hám kewilli ortalıq, doslıq qatnasıq, jaslardıń intellektuallıq hám kásiplik potencialın rawajlandırıwǵa xızmet etip atırǵanı maqtawǵa ılayıq. Bunday baslamalar elimiz jaslarınıń bárkamal áwlad sıpatında qáliplesiwinde áhmietli faktor bolmaqta.   
            
 Derek:  NMPI baspasóz xızmeti