Búgingi kúnde pitkeriwshiler sanı bar jumıs orınlarına salıstırǵanda kóbirek ekeni sır emes. Bul bolsa miynet bazarına básekige shıdamlı, bilimli hám óndiris processlerin tereń ózlestirgen kadrlarǵa talap joqarılıǵın ańlatadı. Bul jaǵday tek ǵana pitkeriwshilerge emes, al olardı tayarlaǵan joqarı bilimlendiriw mákemesine de úlken juwapkershilik júkleydi.

 Student-jaslarımızdıń bántligin támiyinlew hám miynet bazarına sáykes kadrlar tayarlaw maqsetinde institutımız rektorı B.B. Jollibekov hám oqıw isleri boyınsha prorektor N. Absattarov Nókis qalasında jaylasqan “Yuventa Nukus” JShJ quramındaǵı muzqaymaq islep shıǵarıw kárxanasında boldı.

 Ushırasıw dawamında kárxana direktorı G.Aytmuratov penen institutımız baǵdarlarında bilim alıp atırǵan studentlerdiń dual tálim tiykarında jumıs hám ámeliyat ótkeriw máseleleri dodalandı.

 Bunnan soń kárxananıń óndiris processleri menen tanıstı hám keleshekte óz-ara birge islesiwdi jolǵa qoyǵan halda maman qánigeler tayarlawǵa birgelikte úles qosıw boyınsha óz-ara isenim bildirildi.

 Bul birge islesiw studentlerdiń teoriyalıq bilimlerin ámeliy tájiriybe menen bayıtıw, pitkeriwshilerdiń jumısqa jaylasıw imkaniyatların arttırıw hám miynet bazarında básekige shıdamlı kadrlar tayarlawǵa xızmet etedi.