Aldın xabar bergenimizdey, Yaponiyanıń “Green Leaf” kompaniyasınıń prezidenti Sawaura Shoji, kompaniya xızmetkeri Sawaura Yukiko hám JICA GROW joybarınıń eksperti Yoshikava Takumalar xızmet saparı sheńberinde Qaraqalpaqstan awıl xojalıǵı hám agrotexnologiyalar ınstitutımızda boldı.

 Institutımız basshıları menen ótkerilgen sáwbetinen soń institut rektorı B.Jollibekov basshılıǵında “Green Leaf” kompaniyasınıń prezidenti Sawaura Shoji hám instituttı pitkergen hám pitkeriw aldında bolǵan student-jaslardıń qatnasıwında ushırasıw shólkemlestirildi.

 Ushırasıw dawamında kompaniya prezidenti Sawaura Shoji qatnasıwshılarǵa óz kompaniyasınıń jumısı haqqında tolıq maǵlıwmat berip, jaslardı Yaponiyada jumıs islew imkaniyatları menen tanıstırdı.

 Bul usınıs student-jaslar tárepinen úlken qızıǵıwshılıq penen qabıl etildi. Olar sáwbetlesiw dawamında ózlerin qızıqtırǵan sorawlardı beriw imkaniyatına iye bolıp, kompaniya basshısınan tolıq juwaplar aldı.