Qaraqalpaqstan awıl xojalıǵı hám agrotexnologiyalar institutında Xalıqaralıq hayal-qızlar bayramı múnásibeti menen ilaj bolıp ótti

 Búgin  institutımızda 8-mart Xalıqaralıq hayal-qızlar bayramı múnásibeti menen ilaj bolıp ótti. Onda  Qaraqalpaqstan awıl xojalıǵı hám agrotexnologiyalar institutı rektorı B.Jollibekov,prorektorlar, fakultet dekanları,  professor-oqıtıwshılar, student jaslar hám bir qatar taraw pidayıları qatnastı.

 Ilajda  Qaraqalpaqstan awıl xojalıǵı hám agrotexnologiyalar institutı rektorı B.Jollibekov ashıp berdip, búgingi kúnde mámleketimizde hayal-qızlardıń jámiyetlik-siyasiy hám sociallıq belsendiligin arttırıw, awıl xojalıǵı, joqarı bilimlendiriw tarawlarında da  hayal-qızlarǵa bir qansha imkaniyatlar jaratıwda keń kólemli jumıslar ámelge asırılıp atırǵanlıǵın aytıp ótti.

 Sonday-aq, institutımız hayal-qızlar tárepinen qolǵa kirgizgen jetiskenlikler haqqında aytıp, bárshe hayal-qızlarımızdı báhár bayramı, jasarıw hám jańalanıw áyyamı 8-mart — Xalıqaralıq hayal-qızlar bayramı menen qızǵın qutlıqladı.

 Bunnan soń, ilajda bayram múnásibeti menen institutımızda jumıs islep atırǵan  hayal-qızlarımızǵa, institut rektorı tárepinen minnetdarshılıq xatları hám bayram sawǵaları tapsırıldı.