Institutimiz pitkeriwshi jaslarına “Keleshekke qádem” joybarı boyınsha maǵlıwmatlar berildi

 Ózbekstan Respublikası Prezidentiniń “Joqarı bilimlendiriw shólkemleri pitkeriwshileriniń jumısqa jaylasıwına kómeklesiw boyınsha qosımsha ilajlar haqqında”ǵı 2025-jıl 14-fevraldaǵı PP-61-sanlı qararınıń orınlanıwın támiyinlew maqsetinde Joqarı bilimlendiriw, ilim hám innovaciyalar ministriniń “Joqarı bilimlendiriw shólkemleri pitkeriwshileriniń jumısqa jaylasıwına kómeklesiw boyınsha zárúr ilajlardı ámelge asırıw haqqında”ǵı 2025-jıl 20-marttaǵı 114-sanlı buyrıǵınıń 4.1.3-bántiniń orınlanıwın támiyinlew maqsetinde Qaraqalpaqstan awıl xojalıǵı hám agrotexnologiyalar institutı pitkeriwshi studentler hámde birge islesiwshi shólkemler menen birgelikte “Biznes ideyadan tayar joybarǵa shekem” atamasında seminar trening shólkemlestirildi.

 Instituttıń bas imaratında jaylasqan Málimleme resurs orayında shólkemlestirilgen “Biznes ideyadan tayar joybarǵa shekem” atamasındaǵı seminar treningge institut “Registrator ofis” direktorı I.Sulaymanova, jaslar awqamı jetekshisi M.Mambetov, birge islesiwshi shólkemler Ózlidep Qaraqalpaqstan Respublikası keńesi jaslar máseleleri boyınsha qánigesi K.Qudaybergenova hám Nókis qalalıq ádillik bólimi mámleketlik xızmetler orayı qánigesi F.Utegenovalar sonday-aq pitkeriwshi student-jaslar qatnastı.

 Bunda mámleketimiz tárepinen jaslarǵa berilip atırǵan imkaniyatlardan únemli paydalanǵan túrde óz qánigeliklerine baylanıslı jańa biznes túrlerin qalay jolǵa qoyıw múmkinligi aytıp ótildi hám kórsetilip Biznes reje dúzip sol orında onı teńlesleri menen dodalaw jumıslarında alıp barıldı.qatnasıwshı jaslar arasında óz jeke biznes ideyaların dúziw ushın jol joybarlar

 Institutımız pitkeriwshi student-jaslarına órnek sıpatında búgingi kúnde óziniń jeke biznesi menen jaslarımız arasında ayrıqsha orın ielegen jas biznes iesi Babur Rajapovta óz bayanatı menen qatnasıp institutımız pitkeriwshi student-jasları menen óz bilim hám kóliklerin bólisti. Maǵlıwmat ornında B.Rajapovtıń búgingi kúnde 5 jeke biznesi óz jumısın kórsetip atırǵan bolsa, olardan awıl xojalıǵı tarawına baylanıslı qusshılıq kárxanasınıń bahası 40 milliard sumdı quraydı.

 Ótkerilgen biznes tirdiń júdá hám soraw-juwaplarǵa bay bolıwı menen birge pitkeriwshi jaslarımızǵa óz jeke bizneslerin baslaw ushın túrtki bolatuǵın dárejede bola aldı desek aljaspaǵan bolamız.