Qaraqalpaqstan awıl xojalıǵı hám agrotexnologiyalar institutı “Gumanitar pánler hám tiller” kafedrası professor-oqıtıwshıları basshılıǵında Agrotexnologiya hám toǵayshılıq, Zooinjeneriya fakultetleri 1-kurs student-jasları qatnasıwında “Ámir Temur tuwılǵanına 689 jıl tolıwı múnásibeti menen ilaj ótkerildi.

 Ámir Temur (1336-1405) – ulli áskerbası, mámleket gayratkeri, Temuriyler dinastiyasının tiykarın salıwshısı. Ol XIV ásirde jasap, ullı imperiyalardan birin dúzgen hám onı ádalatlı basqarıw, qatań tártip-qaǵıydalar tiykarında basqarǵan. “Kush ádillikte” uranı onıń basqarıw siyasatınıń tiykarın quraǵan. Ámir Temur ilim-pán, mádeniyattıń rawajlanıwına úlken úles qosqan. Óz mámleketiniń paytaxtı sıpatında Samarqand qalasın dúnyanıń eń sulıw hám rawajlanǵan qalalarınan birine aylandırdı.

 Ilajda oqıtıwshılar tárepinen Ámir Temurdıń ómiri, mámleket basqarıwındaǵı danıshpanlıǵı, áskeriy atlanısları, ilim-pán, mádeniyattıń rawajlanıwına qosqan úlesi haqqında tolıq maǵlıwmat berildi, inglis hám qaraqalpaq tillerinde soraw-juwaplar ótkerildi.

 Studentlerge “Kúsh ádillikte” degen uran búgingi kún jasları ushın qanshelli dárejede áhmietli ekenligi haqqında aytıp ótildi. Ilaj dawamında tariyxıy faktler, shıǵarmaları haqqında maǵlıwmatlar berilip, jaslar ózleriniń bilimlerin ele de bayıttı, milliy maqtanısh hám watansúyiwshilik sezimlerin ózlerinde seze aldı desek aljaspaǵan bolamız.