Qaraqalpaqstan awıl xojalıǵı hám agrotexnologiyalar institutı Zooinjeneriya fakulteti 3-basqısh 60710400 Ekologiya hám qorshaǵan ortalıqtı qorǵaw tálim baǵdarı studenti Bekbergenova Aygúl júdá belsendi student qızlarımızdan biri.

 Ol házirde Z.Ibragimova basshılıǵında Qaraqalpaqstan sharayatında joqarı dárejeli suw ósimlikleri “Azolla coroliniana,” “Acorus calamus”tı kóbeytiw hám olardıń bioekologiyalıq ózgeshelikleri temasında ilimiy-izertlew jumısların alıp barmaqta. A.Bekbergenova usı waqıtqa shekemgi oqıw-tárbiya processleri dawamında óziniń belsendiligi, ziyrekligi, talantı hám dóretiwshiligi, joqarı mádeniyatı hám intakerligi menen tek ǵana fakultet emes, al institutımızdıń talantlı studentleri qatarında ayrıqsha orınǵa iye boldı.

 Búgingi kúnge shekem Xalıqaralıq hám jergilikli ilimiy-ámeliy konferenciyalarda belsene qatnasıp kelmekte. 16.04.2024-jıl “Jas ekolog” atamasındaǵı seminarda belsene qatnasqanı ushın sertifikat penen sıylıqlandı. “Kitap-bilimler ǵáziynesi” atamasında shólkemlestirilgen fakultetimiz professor-oqıtıwshılarınıń 2024-jılı redakciyadan shıǵarılǵan oqıw qollanba hám metodikalıq qollanbalardı usınǵanı ushın húrmet jarlıǵı menen sıylıqlandı. 2025-jılı Túrk tilinen B1 dárejeli sertifikat alıwǵa miyasar boldı. 2025-jılı “Jaslar hám innovaciyalıq awıl xojalıǵı” atamasındaǵı tańlawdıń fakultet basqıshında “Tarmaqtıń belsendi bilimdanları” nominaciyası “Star Group” toparı atınan qatnasıp 1-dárejeli diplom menen sıylıqlandı.