Xalqımızda “Til bilgen – el biledi,” degen hikmetli sóz bar. Shet tillerin tolıq úyreniw bolsa dáwir talabı. Sebebi, dúnya kóleminde erisilip atırǵan jetiskenliklerdi, toplanǵan tájiriybelerdi ózlestiriwde de shet tillerine zárúrlik seziledi. Ásirese, mámleketimizde barlıq tarawlar sıyaqlı jedel rawajlanıp atırǵan awıl xojalıǵı tarawımızdı bunnan bılay da rawajlandırıwda bul faktordıń áhmieti sheksiz.Sońǵı jılları elimiz jasları arasında shet tillerin úyreniwge bolǵan qızıǵıwshılıq sezilerli dárejede arttı. Mine usınday imkaniyatlardan aqılǵa uǵras paydalanıp atırǵan jaslar aramızda kóp.Olardan biri óz ústinde tınımsız izlenip, oqıp, bilim alıp atırǵan studentlerimizden biri “Zooinjeneriya” fakulteti 1-kurs “Málimleme sistemaları hám texnologiyası” qánigeligi studenti Sharofatdinov Muxametdin Asamatdin ulı. Ol jaqında shet tilin biliw dárejesin anıqlaw maqsetinde test sınaqlarınan ótip, inglis tili boyınsha В 1 dárejedegi milliy sertifikattı alıwǵa eristi. Onıń bul jetiskenliginde “Gumanitar pánler hám tiller” kafedrasınıń inglis tili oqıtıwshısı Ziuarxan Tóreniyazovanıń qosqan úlesleri kóp.  Biz Sharofatdinov Muxametdinge institut jámááti atınan kelesi oqıw jılında jáne de joqarı nátiyjelerge erisiwinde áwmetler tileymiz!