Awıl xojalıǵı tarawında eń juwapkershilikli dáwirlerden biri bul – paxta jıyın-terimi bolıp esaplanadı. Sonlıqtan qol miynetin azaytıw, terim procesin tez hám nátiyjeli shólkemlestiriw maqsetinde Respublikamızǵa 2025-jılı jańa paxta teriw mashinaları alıp kelindi.

 Bul texnikalardan nátiyjeli paydalanıw, olardı basqarıw hám texnologiyaların ámeliyatqa engiziwdi úyretiw maqsetinde 2025-jıl 5-8-sentyabr kúnleri Qaraqalpaqstan awıl xojalıǵı hám agrotexnologiyalar institutında oqıw seminarları ótkerilmekte.

 Seminar dawamında fermer xojalıqları wákilleri hám qánigelerdiń qatnasıwında paxta teriw mashinalarınan paydalanıw usılları, olardıń abzallıqları hám nátiyjeliligin arttırıw boyınsha ámeliy kónlikpeler berildi. Bul ilaj awıl xojalıǵında mexanizaciya processlerin jedellestiriw hám ónimdarlıqtı arttırıwǵa xızmet etedi.