Qaraqalpaqstan awıl xojalıǵı hám agrotexnologiyalar institutı Suw xojalıǵı hám jerden paydalanıw kafedrası 3-basqısh tayanısh doktorantı Bekmurat Abdikairov Qıtay mámleketinde ótkerilip atırǵan Shorlanǵan topıraqlar boyınsha xalıqaralıq tarmaq (INSAS) tıń tórtinshi májilisinde qatnaspaqta.

 Bul xalıqaralıq ilaj 2025-jıl 11-13-sentyabr kúnleri Dunxuan qalasında bolıp ótpekte. Onda dúnyanıń túrli mámleketlerinen jetekshi ilimpazlar, qánigeler hám izertlewshiler shorlanǵan topıraqlar mashqalası, olardı monitoring etiw hám nátiyjeli paydalanıw máselelerin dodalamaqta.

 Bekmurat Abdikairov konferenciyada  óziniń ilimiy izleniwleri sheńberinde tayarlanǵan “Qurǵaqshıl jerlerde topıraq shorlanıwın monitoring etiw” temasındaǵı bayanatı menen qatnasıwı rejelestirilgen.

 Bul qatnas jas ilimpazdıń ilimiy jumısındaǵı áhmiyetli basqısh bolıp ǵana qalmastan, Ózbekstan hám, atap aytqanda, Qaraqalpaqstan ilimiy potencialınıń xalıqaralıq kólemde tán alınıwına xızmet etedi.