Aldın xabar bergenimizdey, institutımız rektorı B.B.Jollibekov Qıtay Xalıq Respublikasında ótkerilgen “Shólleniwge qarsı gúresiw hám kóklemzarlastırıwdı rawajlandırıw” atamasındaǵı xalıqaralıq simpozium sheńberinde dala tájiriybe maydanlarında boldı.

 Dala tájiriybe maydanında ótkerilgen ámeliy kórgizbe waqtında belgilengen aymaqlardı kóklemzarlastırıw maqsetinde ámeliy jumıslar alıp barıldı.

 Bunnan soń rektorımız ilimiy stanciyada alıp barılıp atırǵan jumıslar hám ósimliklerdiń ósiw processleri menen tanıstı. Sonıń menen birge, respublikamızdaǵı bar ekologiyalıq mashqalalardı sheshiwde nátiyjeli bolıwı múmkin bolǵan tájiriybeler haqqında da maǵlıwmatlarǵa iye boldı.

 Álbette, bul xızmet saparı tek ǵana Qaraqalpaqstan awıl xojalıǵı hám agrotexnologiyalar institutı ushın emes, al mámleketimiz qorshaǵan ortalıqtı qorǵaw jolında da úlken áhmiyetke iye, desek asıra aytqan bolmaymız.