2025-jıl 14-sentyabr kúni Aziya Rawajlanıw Bankiniń (ADB) Qubla, Oraylıq hám Batıs Aziya boyınsha vice-prezidenti mırza Yingming Yang hám ADB wákilleri Qaraqalpaqstan awıl xojalıǵı hám agrotexnologiyalar institutına keldi. Xızmet saparı sheńberinde miymanlar instituttıń iskerligi menen tanıstı.

 Bunnan soń institut rektorı B.Jollibekov basshılıǵında respublikamız isbilermenleri hám bir qatar ilimiy-ámeliy joybarlardıń basshıları menen ushırasıw shólkemlestirildi.

 Ilajdı institut rektorı ashıp berip, qatnasıwshılardı tanıstırdı hám olardıń xizmet túrleri haqqında qısqasha maǵlıwmat beriwdi soradı. Ushırasıw dawamında isbilermenler óz iskerligi hám erisken nátiyjeleri haqqında aytıp, bar mashqalalardı kórsetip ótti.

 Mırza Yingming Yang hám delegaciya aǵzaları isbilermenler menen ashıqtan-ashıq sóylesip, áhmiyetli máseleler boyınsha pikir alıstı. Ushırasıwda rawajlanıw ushın eń zamanagóy texnologiyalar hám joqarı maman kadrlar zárúr ekenligi atap ótildi. Usı múnásibet penen sırt elden tájiriybeli qánigelerin tartıw hám xalıqaralıq birge islesiwdi keńeytiw boyınsha ámeliy járdem kórsetiwge tayar ekenligin bildirdi.

 Ilaj juwmaǵında tárepler nátiyjeli birge islesiw ushın minnetdarshılıq bildirdi hám aldaǵı jumıslarda úlken tabıslar tiledi.