Ózbekstan Respublikası Joqarı bilimlendiriw, ilim hám innovaciyalar ministrliginiń 2025-jıl 19-iyun kúngi 228-sanlı buyrıǵına tiykarlanıp joqarı bilimlendiriw shólkemlerinde “Ekologiyalıq innovaciyalar hám ekologiyalıq mádeniyat aylıǵı” sheńberinde Qaraqalpaqstan awıl xojalıǵı hám agrotexnologiyalar institutında “Eko-innovaciya-2025” kórgizbesi joqarı dárejede shólkemlestirildi.

 Ilajdı institut rektorı B.Jollibekov ashıp berdi hám barlıq qatnasıwshılarǵa tabıslar tiledi.

 Kórgizbeniń tiykarǵı maqseti innovaciyalıq ideyalardı anıqlaw, aldınǵı tájiriybelerdi úyreniw, jas oylap tabıwshılardı xoshametlew hám jámiette ekologiyalıq mádeniyattı arttırıwdan ibarat.

 Bul kórgizbe tómendegi úsh baǵdarda shólkemlestirildi:
 Qorshaǵan ortalıqtı qorǵaw, klimat ózgerislerine qarsı gúresiw, shıǵındılardı qayta islew hám azaytıw;
 Qayta tikleniwshi energiya derekleri;
 Innovaciyalıq ekologiyalıq texnologiyalar hám qurılmalar.

 Kórgizbede instituttıń studentleri, magistrant hám doktorant jas ilimpazları ekologiyalıq mashqalalardı sheshiwge baǵıshlanǵan eń saylandı innovaciyalıq qollanbaların hám joybarların usındı.

 Ilaj sońında tóreshiler quramı tárepinen joybarlar hár bir baǵdar kesiminde tańlap alınıp, jeńimpazlar institut basshıları tárepinen 1-, 2-, 3-dárejeli diplomlar hám 6, 4 hám 2 million sumlıq vaucherler menen sıylıqlandı.