2025-jıl 15-sentyabr kúni Ózbekstan Respublikası Joqarı bilimlendiriw, ilim hám innovaciyalar ministrliginiń 2024-jıl 21-fevraldaǵı 15-sanlı bayanlamasına tiykarlanıp Qaraqalpaqstan awıl xojalıǵı hám agrotexnologiyalar institutında “Milliy kiyimler kúni” ilajı bolıp ótti.

 Bul ilaj student-jaslar arasında milliy kiyimlerimizdi qásterlep saqlaw, olarǵa húrmet penen qaraw, milliy qádiriyatlardı keńnen úgit-násiyatlaw hám jaslar qálbinde maqtanısh sezimin jáne de bekkemlew maqsetinde shólkemlestirildi.

 Ilaj dawamında student-qızlar milliy kiyimlerdiń ózine tánligi, olardıń tariyxıy hám mádeniy áhmiyeti haqqında maǵlıwmat berip, ashıq sáwbetler ótkerdi. Sonday-aq, milliy kiyimler tek ǵana xalqımızdıń bay miyrası emes, al jaslardıń milliy ózliginiń ajıralmas bólegi ekenligi ayrıqsha atap ótildi.

 “Milliy kiyimler kúni” studentlerde milliy qádiriyatlardı tereń ańlaw, olardı qádirlew hám qásterlep saqlawǵa xızmet etken áhmieytli ruwxıy-aǵartıwshılıq ilajlardan biri boldı.