2025-jıl 26-sentyabr kúni Qaraqalpaqstan awıl xojalıǵı hám agrotexnologiyalar institutında Ayrıqsha jaǵdaylar bólimi xızmetkerleri menen birgelikte arnawlı-taktikalıq oqıw shınıǵıwı ótkerildi.

 Ilajda Nókis qalası Ayrıqsha jaǵdaylar basqarması xızmetkeri kapitan J.Turev, institut professor-oqıtıwshıları hám student-jaslar belsene qatnastı.

 Oqıw shınıǵıwı dawamında ayrıqsha jaǵdaylar júz bergende tiyisli xızmetlerdiń háreketleri sınaqtan ótkerildi. Sonday-aq, taraw qánigeleri student-jaslarǵa órt qáwipsizligi qaǵıydaları, órt júz bergende tezlik penen órt óshiriw xızmetine múrájat etiw tártibi haqqında tolıq túsinik berdi.

 Ámeliy bólimde studentlerge jasalma túrde jaratılǵan órtti óshiriw boyınsha kórsetpeler berilip, órt óshiriw úskenelerinen paydalanıw boyınsha ámeliy kónlikpeler qáliplestirildi.

 Bunday arnawlı-taktikalıq shınıǵıwlardı shólkemlestiriwden tiykarǵı maqset – órt hám basqa ayrıqsha jaǵdaylardıń aldın alıw, sonday-aq, student-jaslardıń qáwipsizlik mádeniyatın arttırıwdan ibarat.