Ózbekstan Respublikası Awıl xojalıǵı ministrliginiń 2025-jıl 13-oktyabrdegi 06/26-2-06/1527-sanlı tapsırmasına tiykarlanıp Qaraqalpaqstan awıl xojalıǵı hám agrotexnologiyalar institutında “AgroTech” startap joybarlar tańlawınıń institut basqıshı bolıp ótti.

 Tańlawdıń maqseti – student-jaslardıń innovaciyalıq ideyaların hám startap baslamaların qollap-quwatlaw, olardıń ilimiy-dóretiwshilik potencialın rawajlandırıw hám aldınǵı texnologiyalıq sheshimlerdi xoshametlewden ibarat.

 Ilajdı institut rektorı B.Jollibekov ashıp berip, qatnasıwshılarǵa tabıslar tiledi hám jaslar ushın bunday tańlawlardıń ámeliy áhmiyetin ayrıqsha atap ótti.

 Bahalaw procesinde qatnasıwshılar tárepinen usınılǵan joybarlar “Eń jaqsı ideya,” “Eń jaqsı joybar” hám “Eń jaqsı oylap tabıw” nominaciyaları boyınsha tańlap alındı.

 Nátiyjeler boyınsha:

 “Eń jaqsı ideya” nominaciyası boyınsha 1-orın – Xudoyan Oksana, 2-orın – Qarjibaev Sanjar;

 “Eń jaqsı joybar” nominaciyası boyınsha 1-orın – Shamshetova Nilufar, 2-orın – Tursınbaev Atabek hám Saparbaev Jurabek;

 “Eń jaqsı oylap tabıw” nominaciyası boyınsha 1-orın – Safarniyazov Xushnud hám Ashirboev Bayram, 2-orın – Qaymatdinov Amangeldi jeńimpaz dep tabıldı.

 Jeńimpazlar diplom hám estelik sawǵaları menen sıylıqlandı.

 Sonday-aq, Eń jaqsı qatnasıwshılar 12-13-noyabr kúnleri Tashkent mámleketlik agrar universitetinde bolıp ótetuǵın “AgroTech” startap tańlawınıń final basqıshında qatnasıw huqıqın qolǵa kirgizdi.