Yaponiyanıń “Green Leaf” kompaniyasınıń prezidenti Sawaura Shoji, kompaniya xızmetkeri Sawaura Yukiko hám JICA GROW joybarınıń eksperti Yoshikava Takumalar xızmet saparı menen Qaraqalpaqstan awıl xojalıǵı hám agrotexnologiyalar institutımızda boldı.

 Sapar dawamında miymanlardı institut jaslar máseleleri hám ruwxıy-aǵartıwshılıq isleri boyınsha birinshi prorektorı M. Dauletmuratov penen birgelikte oqıw hám laboratoriya xanaları menen tanıstı. Miymanlar bul jerde alıp barılıp atırǵan ilimiy izertlewler hám erisilip atırǵan nátiyjeler haqqında tolıq maǵlıwmat berildi.

 Bunnan soń, Sawaura Shoji institutta shólkemlestirilgen yapon tili kurslarında oqıp atırǵan studentler menen ushırastı. Ol studentler menen qızǵın sáwbetlesip, “Green Leaf” kompaniyası tárepinen islep shıǵarılıp atırǵan ónimler haqqında maǵlıwmat berdi hám keleshekte óz-ara birge islesiwdi jáne de rawajlandırıw usınısın bildirdi.