Ózbekstan Respublikası Prezidentiniń “Joqarı oqıw orınları pitkeriwshileriniń jumısqa jaylasıwına járdemlesiw boyınsha qosımsha ilajlar haqqında”ǵı PQ-61-sanlı qararınıń orınlanıwın támiyinlew maqsetinde Qaraqalpaqstan awıl xojalıǵı hám agrotexnologiyalar institutında “Keleshekke qádem” orayı shólkemlestirildi.

 Oraydıń tiykarǵı maqseti – pitkeriwshi kurs studentleri arasında isbilermenlik ideyaların qollap-quwatlaw, olardıń biznes baslamaların ámeliy joybarlarǵa aylandırıwda járdemlesiw bolıp esaplanadı. Orayda studentler óz biznes ideyaların tayar joybarǵa jetkeriw, qarjılandırıw imkaniyatları, tarawlar boyınsha ashıq tańlawlarda qatnasıw hám jeńimpazlardı jumıs penen támiyinlew processleri boyınsha kerekli maǵlıwmat hám másláhátler alıwı múmkin.

 Sonday-aq, “Ózmilliybank” AJ Qaraqalpaqstan Respublikası Bas basqarması qánigeleri “Keleshekke qádem” orayına biriktirilip, studentler menen ámeliy jumıslar alıp barmaqta hám biznes joybarlardı islep shıǵıwda olardı hár tárepleme qollap-quwatlamaqta.

 Jumıstıń orınlanıwı “Registrator ofis” bólimi studentlerge xızmet kórsetiw menedjeri G. Pirniyazova muwapıqlastırıp baradı.