Qaraqalpaqstan awıl xojalıǵı hám agrotexnologiyalar institutınıń “Registrator ofisi” janındaǵı Studentlerge xızmet kórsetiw bólimi menedjeri G. Pirniyazova tárepinen Ózbekstan Respublikası Prezidentiniń 2025-jıl 14-fevraldaǵı PQ-61-sanlı “Joqarı oqıw orınları pitkeriwshilerin jumıs penen támiyinlewge kómeklesiw boyınsha qosımsha ilajlar haqqında”ǵı qararı tiykarında úgit-násiyat jumısları alıp barıldı.

 Ilajda “Dárilik ósimliklerdi jetistiriw hám qayta islew texnologiyası,” “Awıl xojalıǵı ónimlerin saqlaw hám dáslepki qayta islew texnologiyası,” “Agronomiya” hám “Agrokimyo hám agrotopıraqtanıw” baǵdarlarınıń 4-kurs studentleri qatnastı.

 Seminarda PQ-61-sanlı qarar talapları sheńberinde pitkeriwshilerdiń miynet bazarına beyimlesiwi, ózin-ózi bánt etiw imkaniyatların keńeytiw, startap ideyaların qarjılay qollap-quwatlaw hám “Keleshekke qádem” baǵdarlaması sheńberinde jeńilletilgen kreditlerden nátiyjeli paydalanıw máseleleri boyınsha tolıq túsinikler berildi.