American Councils for International Education tárepinen C5+O.N.E joybarı sheńberinde 2025-jıl 13-noyabr kúni Tashkent qalasında shólkemlestirilgen oflayn seminarda Qaraqalpaqstan awıl xojalıǵı hám agrotexnologiyalar institutınıń joybar qatnasıwshıları, sonıń ishinde, bir qatar professor-oqıtıwshılar hám tayanısh doktorantlar belsene qatnastı. Ilaj inglis tilinde alıp barıldı.

 Ilajda respublikamızdıń barlıq aymaqlarınan kelgen ilimiy xızmetkerler, jas ilimpazlar, sonday-aq, sırt elli qánigeler qatnastı. Seminar dawamında ilimiy birge islesiw máseleleri, regionallıq rawajlanıw perspektivaları hám innovaciyalıq ideyalardı ámeliyatqa engiziw usılları keń túrde dodalandı.

 Sonday-aq, hár bir izertlewshige óziniń biznes rejesi (business plan) boyınsha qısqasha prezentaciya beriw imkaniyatı jaratıldı. Bul prezentaciyalar dawamında joybarlardıń maqseti, ekonomikalıq nátiyjelilik kórsetkishleri, ámeliy áhmiyeti hám keleshektegi rawajlanıw perspektivaları haqqında tolıq maǵlıwmatlar berildi.