Ózbekstan Respublikası Prezidentiniń 2025-jıl 14-fevraldaǵı PQ-61-sanlı qararınıń orınlanıwın támiyinlew maqsetinde Qaraqalpaqstan awıl xojalıǵı hám agrotexnologiyalar institutınıń Awıl xojalıǵı mexanizaciyası hám suw xojalıǵı fakultetinde pitkeriwshi studentlerdi jumısqa jaylastırıwǵa kómeklesiw boyınsha ámeliy ilaj shólkemlestirildi.

 Bul ilaj “Keleshekke qádem” dástúri sheńberinde Registrator ofisi janındaǵı Studentlerge xızmet kórsetiw bólimi menedjeri G.A. Pirniyazova baslaması menen ótkerilip, onda Qaraqalpaqstan Respublikası Nókis filialı Agrobank xızmetkerleri qatnastı.

 Ushırasıw dawamında studentlerge joqarı bilimlendiriw mákemeleriniń pitkeriwshileri ushın jaratılıp atırǵan imkaniyatlar, bank sisteması arqalı qollap-quwatlaw mexanizmleri, jaslardıń bántligin támiyinlew hám isbilermenlik jumısın jolǵa qoyıw máseleleri boyınsha tolıq maǵlıwmatlar berildi.

 Bul ilaj pitkeriwshi studentlerdi keleshektegi miynet jolına tayarlaw, olardıń sociallıq belsendiligin arttırıw hám kásiplik baǵdarların anıq belgilewde ayrıqsha áhmiyetke iye boldı.