Blue-Satreps galofit aralas diyqanshılıq baǵdarında jumıs alıp barǵan “Dán hám salı” ilimiy-óndirislik birlespesinde tájiriybe maydanlarında jergilikli sharayatlarǵa, ıqlımǵa shıdamlı, joqarı zúráátli masaqlı eginler, dástúriy emes egin sortların kóbeytiw hám tuqımgershiligin jolǵa qoyıw boyınsha izertlewler alıp barmaqta. Bul joybarǵa institutimiz professorı Zulfiya Sultanova basshılıq etti, onıń orınlanıwına institutimizden ilimiy dárejege ie professor-oqıtıwshılar: t.i.d., docent G. Abdieva, t.i.d., docent Karimullaeva, doktorantlar: Satbaev A., Purxanova A., Mambetova N., magistrantlar hám student jaslar qatnastı.
 Yaponiya universitetleri menen birgelikte Aralboyı sharayatında jergilikli klimatqa beyimlesken eginlerdi tańlaw hám azıq-awqat qáwipsizligin támiyinlew baǵdarındaǵı háreketlerin sáwlelendiriwshi: arpa, tritikale, mogar, chumiza hám maxsardıń genetikalıq jaqtan jaqsılanǵan perspektivalı liniyaları anıqlandı.
 2025-jıl 28-noyabrde Ózbekstan Respublikası Awıl xojalıǵı ministrligi janındaǵı Mámleketlik sort sınaw komissiyası tárepinen joybar qatnasıwshıları jaratqan gúzgi arpanıń jańa jergilikli Yantarniy-3 sortı dizimge alınıp, patent berildi. Bul jańa sort Xalıqaralıq ICBA shólkeminen alınǵan germoplazmanıń jetilistirilgen genetikalıq liniyasınan jeke tańlaw jolı menen jaratılǵan. Sorttıń kóp jıllıq tájiriybelerdegi maǵlıwmatları boyınsha ortasha ónimdarlıǵı 59,2 c/ga, óndirislik sınaqlarda 55,6 c/ga di quradı. Bul standart sorttan 4,1 c/ga joqarı. Vegetaciya dáwiri ortasha 246 kún.