Sh. Esenov atındaǵı Kaspiy texnologiya hám injenerlik universiteti professor-oqıtıwshıları tárepinen institutımızdıń Málimleme sistemaları hám texnologiyaları baǵdarı studentleri ushın “Awıl xojalıǵında aqıllı texnologiyalardan paydalanıw” atamasında seminar shólkemlestirildi.

Seminar dawamında qatnasıwshılarǵa awıl xojalıǵı tarawında zamanagóy sanlı sheshimler, atap aytqanda, aqıllı suwǵarıw sistemaları, IoT (Internet of Things) texnologiyaları, dronlardan paydalanıw, jasalma intellekt tiykarında ónimdarlıqtı prognozlaw hám agrotexnikalıq processlerdi avtomatlastırıw sıyaqlı aldınǵı baǵdarlar haqqında tolıq maǵlıwmatlar berildi.

Sonday-aq, seminar dawamında sırt el tájiriybesi mısalında real joybarlar tallanıp, studentler menen interaktiv soraw-juwaplar shólkemlestirildi. Bul bolsa studentlerdiń teoriyalıq bilimlerin ámeliy kónlikpeler menen bekkemlewge xızmet etti.

Bul seminar studentlerde zamanagóy texnologiyalarǵa bolǵan qızıǵıwshılıqtı jáne de arttırıw, olardıń innovaciyalıq pikirlewdi rawajlandırıw hám keleshektegi kásiplik jumısında básekige shıdamlı qánige bolıp jetilisiwine tiykar jaratadı.