Qaraqalpaqstan awıl xojalıǵı hám agrotexnologiyalar institutı studentleri Studentler ligasınıń aymaqlıq basqısh jarıslarında múnásip qatnasıp, joqarı nátiyjelerdi qolǵa kirgizdi.
Qızǵın hám básekige tolı bellesiwler barısında institut jasları ózleriniń fizikalıq tayarlıǵın, sport sheberligin hám jámáátlik awızbirshiligin kórsetip, tómendegi jetiskenliklerge eristi:
— Badminton sport túrinen sıylı 2-orın
— Voleybol sport túrinen (ul balalar arasında) 3-orın
— Futbol sport túrinen (ul balalar arasında) sıylı 2-orın
Bul nátiyjeler institutta jaslar siyasatı, dene tárbiya hám sporttı rawajlandırıwǵa qaratılǵan sistemalı islerdiń jemisi ekenin kórsetedi. Ásirese, studentlerdiń tártip-intizamı, jeńiske bolǵan umtılısı hám jámáátlik ruwxı olardıń keleshektegi jetiskenlikleri ushın bekkem tıykar jaratadı.
Sonday-aq, bul jetiskenliklerde komandalardı jarıslarǵa puqta tayarlaǵan ustaz-trenerlerdiń úlesin ayrıqsha atap ótiwge ılayıq. Atap aytqanda, Zakir Allaniyazov sıyaqlı pidayı ustazlardıń miyneti hám tájiriybesi jas sportshılardıń joqarı nátiyjelerge erisiwinde áhmiyetli faktor boldı.
Institut basshılıǵı hám jámááti barlıq jeńimpaz hám bayraqlı orın iyesi bolǵan studentlerdi hám de olardıń ustazların shın júrekten qutlıqlap, keleshekte jáne de biyik sheklerdi baǵındırıwına isenim bildiredi.
