Ilimiy sapardıń ekinshi kúni delegaciya Weihenstephan-Triesdorf Ámeliy ilimler universitetiniń oqıw-tájiriybe bazasına bardı. Sapar universitet professorı Maykl Troster basshılıǵında shólkemlestirilgen delegaciya universitettiń oqıw imaratları, zamanagóy auditoriyaları hám ilimiy infrastrukturası menen tanıstı.

   Sonday-aq, delegaciya universitet qaramaǵındaǵı 250 gektarlıq oqıw-tájiriybe maydanların kózden ótkerdi. Bul jerde studentler tárepinen alıp barılıp atırǵan ámeliy shınıǵıwlar hám ilimiy izertlewler, zamanagóy agrotexnologiyalardı qollanıw hám dala tájiriybeleriniń shólkemlestiriliwi haqqında tolıq maǵlıwmat berildi.

   Sapar etiw dawamında teoriyalıq bilimlerdi ámeliyat penen úylestiriw tájiriybesi úyrenilip, keleshekte bilimlendiriw hám ilimiy izertlewler tarawındaǵı birge islesiwdi keńeytiw boyınsha pikir alısıldı.