2021-jıldıń 7-oktyabr kúni filialımızda Belgiyanıń Gent universiteti hámde Irannıń Urmiya universiteti professorları Patrik Sorgelos hámde Naser Ag xızmet saparında boldı. Miymanlar menen Tashkent mámleketlik agrar universiteti Nókis filialı direktorı, professor E.Sh.Toreniyazov hám Ilimiy isler hám innovaciyalar boyınsha direktor orınbasarı B.Jollıbekov ushırasıw ótkerdi.

Ushırasıwdan tiykarǵı maqset Germaniyanıń GIZ shólkemi tárepinen ámelge asırılıp atırılǵan “Eco Aral” joybarı sheńberinde Qaraqalpaqstan Respublikası aymaǵında artemiya hám onıń cistasın rauajlandırıw boyınsha ilajları haqqında sáwbet bolıp ótdi. Sonday-aq, Germaniyanıń GIZ tárepinen shólkemlestirilgen seminar xanasında balıqshılıq kafedrasınıń professor-oqıtıwshıları, isbilermenler hám tarawǵa tiyisli qanigeler menen birgelikte ushırasıw bolıp ótdi.  Ushırasıwda Qaraqalpaqstan Respublikasında házirgi wakıtdaǵı artemiya hám onıń cistası boyınsha máseleler haqqında pikirler bildirildi.

Bunnan tısqarı, artemiya hám onıń cistasın rauajlandırıw boyınsha Irannıń Artemiya hám akvamádeniyat ilimiy izertlew institutı menen dáslepki kelisimler ámelge asırıldı.