AQShtıń USAID shólkeminiń Agrobiznesti rawajlandırıw joybarı

2022-jıldıń 24-yanvar kúni Qaraqalpaqstan awıl xojalıǵı hám agrotexnologiyalar institutında AQShtıń USAID shólkeminiń Agrobiznesti rawajlandırıw proekti sheńberinde 1 kúnlik seminar shólkemlestirildi. Seminar-trening “Agrobiznes ekonomikası hám basqarıw sisteması” atamasında bolıp ótti.

Seminarda, fermer xojalıqları hám awıl xojalıǵı kárxanaları,  basqarıw sisteması, biznes reje dúziw hám onnan paydalanıw, pul aylanbasın rejelestiriw hám ferma, kárxana inventarların dizimge alıw sistemasınıń áhmiyeti, esap-kitap júritiw iskerligin rejelestiriw, payda hám zıyandı esaplaw, dáramadtı asırıw – marketing sisteması, kárxana hám xızmetkerlerdi basqarıw sisteması haqqında maǵlıwmatlar hám túsinikler berildi.

Seminarǵa AQShtıń USAID shólkeminiń Agrobiznesti rawajlantırıw proekti Qaraqalpaqstan Respublikası hám Xorezm walayatınıń kordinatorı Umid Sayfudinov, Baqtiyar Qurbanov hám Institut administraciyası, professor-oqıtıwshılar hám de  doktorantlar qatnastı.