Yaponiya menen qatnasıqtı rawajlandırıw

2022-jıldıń 4-avgust kúni institutımızǵa Yaponiyanıń TOKIWA fotoximiyaliq kompaniyasınıń Shet elde biznesti rawajlandırıw menedjeri Nazirov Doniyor kelip, institutimiz rektorı professor E.Toreniyazov penen ushrastı. Ushrasıwdan tiykarǵı maqset institut hámde kompaniya ortasında sheriklik qatnasıqların ornatıw bolıp esaplanadı hámde keleshekte dárilik ósimlikler boyınsha ilmiy-ameliy jumıslardı birge islep, Qaraqalpaqstan Respublikasınıń genofondında dárilik ósimliklerdi úyreniw, olardı jetistiriw hámde islep shıǵarıwda únemli paydalanıw wazıypaları belgilenip alınadı.