Ózbekstan Respublikası Prezidentiniń 2022-jıl 21-dekabrdegi “Jańa Ózbekstan hákimshilik reformaların ámelge asırıw ilajlar haqqında”ǵı PP-269-sanlı pármanı, Ózbekstan Respublikası Ministrler Kabinetiniń 2019-jıl 7-iyundaǵı “Mámleketlik bilimlendiriw oqıw orınları hámde mámleketlik emes bilimlendiriw shólkemlerin attestatsiyadan hám mámleketlik akkreditatsiyasınan ótkeriw tártibin jetilistiriw haqqında”ǵı 470-sanlı qararı hámde Joqarı bilimlendiriw, ilim hám innovaciyalar ministrliginiń 2023-jıl 17-fevraldaǵı 23-sanlı buyrıgına  muwapıq Qaraqalpaqstan awıl xojalıǵı hám agrotexnologiyalar institutı jumısları ekspert komissiya tárepinen sırtqı bahalawdan ótkerilmekte.Ekspert komissiya aǵzaları tárepinen dáslep oqıw ornınıń hújjetler menen támiynleniwi hámde onnan pydalanıw nátiyjeleri úyrenildi, sonday-aq, instituttaǵı sotsiyallıq-ruwxiy ortalıqtı úyreniw maqsetinde alıp barılıp atırǵan ruwxıylıq hám aǵartıwshılıq ilajları boyınsha studentler menen sáwbet ótkerildi.Studentlerdiń bilim dárejesin, sawatlılıǵın anıqlaw maqsetinde qadaǵalaw (test sınaqları) ótkerildi.Onda ekspert komissiya aǵzaları tárepinen qadaǵalaw kúsheytilip, studentlerdiń erkin hámde ǵárezsiz test sınaqlaránan ótiwine múmkinshilik jaratıldı. Sonıń menen birge, institut prorektorları, dekan, dekan orınbasarları, kafedra baslıqlarınıń bilimin hámde ámelge asırǵan ilimiy jumısları bahalaw maqsetinde sáwbet shólkemlestirildi hám onda olardıń hújjetlerge tiykarlanip alıp barıp atırǵan jumısları inabatqa alındı.Sırtqı bahalawdan ótkeriw ilajları miynet tártip-qaǵıydalarına ámel etken halda ashıq tárizde bolıp ótpekte.Maǵlıwmat ornında, institutımızdı sırtqı bahalawdan ótkeriw ilajları usı jıldıń 17-martına shekem dawam etiwi belgilengen.