Vetnam milliy agrar universiteti menen baylanıslar jánede bekkemlenbekte

Xalıq aralıq baylanıslardı joqarı dárejege alıp shıǵıw hámde salıgershilik tarawında maman qanigelerdi tayarlaw maqsetinde Vetnam milliy agrar universiteti menen sheriklik shartnaması duzilgen.

Shartnamaǵa tiykar, salıgershilik jónelisi boyınsha qospa magistratura oqıw baǵdarlamasın ashıw rejelestirilgen bolıp, 2023 jıldın 26-30 mart kunleri institut rektorı professor E.Sh.Toreniyazov hámde ilmiy isler hám innovaciyalar boyınsha prorektorı a.x.i.d., B.B.Jollıbekov Vetnam Respublikasında xızmet saparında boldı.

Xızmet saparı dawamında Xanoy qalasında jaylasqan Vetnam milliy agrar universitetine barıp sol jerde universitet basshıları, fakultet dekanları hámde professor-oqıtıwshıları menen ushırasıwda qatnastı hámde universitettiń dala tajribe maydanlarında bolıp, ol jerde tiykarınan egiletin awıl xojalıǵı ónimleri boyınsha maǵlıwmatlar aldı.

Ushırasıw juwmaǵı boyınsha, Vetnam milliy agrar universiteti hámde institutımız ortasında salıgershilik jónelisi boyınsha qospa magistratura baǵdarlamasın ashıwdıń anıq jobaraları islenip alındı hámde bul baǵdarlamanı jaqın arada ámelge asırıw boyınsha eki JOOları kelisimge keldi.