Tokio awıl xojalıǵı hám texnologiya universiteti menen shártnama imzalandı

Qaraqalpaqstan awıl xojalıǵı hám agrotexnologiyalar institutı xalıq aralıq baylanıslardı bekkemlew hám awıl xojalıǵı tarawında jetik hám maman qániygelerdi jetistiriwde Yaponiya mámleketiniń bir qatar joqarı oqıw orınları menen shártnamalar dúzilgen bolıp, olar menen házirgi kúnde jańa rejeler hám joybarlar ústinde bir qatar ilajlar ámelge asırılmaqta.

Búgin, mine usınday iygilikli islerdiń biri-Yaponiya mámleketi menen Tokio awıl xojalıǵı hám texnologiya universiteti menen birge islesiw boyınsha shártnama imzalandı.

Qaraqalpaqstan awıl xojalıǵı hám agrotexnologiyalar institutı rektorı E.Tóreniyazov, Tokio awıl xojalıǵı hám texnologiya universiteti professori Yashiko Kauavata, professor Nakane hám Shovo farmacevtika universiteti professori Takanolar qatnasıwında ótkerilgen ushırasıwda birge islesiw hám aldaǵı rejeler boyınsha pikirlesiwler alıp barıldı. 

Sonday-aq, miymanlar Qaraqalpaqstan Respublikası hám institutımız boyınsha pikirlerin bildirdi hám birge islesiw baylanısların jánede bekkemlep, joqarı bilimlendiriwde nátiyjeli ilajlardı ámelge asırıwga kelisip alındı.

Qaraqalpaqstan awıl xojalıǵı hám agrotexnologiyalar institutı Málimleme xizmeti