2022/2023 oqıw jılı juwmaǵı boyınsha Qaraqalpaqstan awıl xojalıǵı hám agrotexnologiylar institutınıń 10 student jasları jaz máwsiminde Germaniya Federativ Respublikasınıń Bonn qalasında jaylasqan Schneiders Obsthof fermer xojalıǵında Work and Travel dástúri boyınsha jazǵı ámeliyattı ótep keldi.

Bul ámeliyat Germaniyanıń JD East kompaniyası menen dúzilgen shartnamaǵa tiykar ámelge asırılıp, rawajlanǵan mámleketlerdiń awıl xojalıǵı jetiskenliklerin túbden úyreniw hám de olardı Respublikamız awıl xojalıǵı tarawlarına engiziw bolıp esaplanadı. Schneiders Obsthof fermer xojalıǵı Germaniya Federativ Respublikasınıń kózge kóringen hám de 3 áwlad dawamında iskerlik kórsetip atırǵan jetekshi awıl xojalıǵı ónimlerin jetkeriwshisi bolıp esaplanadı. Schneiders Obsthof fermer xojalıǵı alma, qáreli, malina, klubnika h.t.b. ónimlerdi jetistiriw processinin bárshe basqıshın ózi ámelge asırıp, ishki bazar mútájligin tolıq táminlep bermekte. Bul jaǵdayda institutımız student jasları fermer xojalıǵında ámelge asırılıp atırılǵan iskerlikti tolıq úyrenip, ózleriniń pitkeriw qánigelik jumısı, ámeliy awıl xojalıǵı hám de basqa da tarawlarda qollansada boladı. Ámeliyat dawamında studentelerimiz ózleriniń bos w aqıtlarınan únemli paydalanıw maqsetinde Germaniyanıń Kyolьn, Bonn, Koblents hám de Frantsiya paytaxtı Parij qalasında bolıp, sayaxat etiw imkaniyatınan únemli paydalandı.