Ilajǵa Institut Jaslar menen islesiw, ruwxıylıq hám aǵartıwshılıq bólimi baslıǵı M.Tlegenov, profilaktika inspektorı T.Keńesbaev, dekan orınbasarları, tyutorlar, professor-oqıtıwshılar hám student-jaslar,
Xalıq deputatları Nókis qalalıq Keńesi deputatı A.Reymov, Shańaraq hám hayal-qızlar bólimi baslıǵı D.Qutlımuratova, Qalalıq “Nuranıy” qorı baslıǵı K.Qalenderov, Respublika Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov, QR IIM Terrorizm ha’m ekstremizmge qarsı gu’resiw basqarması qánigesi S.Tańıbergenov, Din isleri boyınsha komitetiniń QR aymaqlıq basqarması qánigeleri X.Ibraimova hám Q.Nezametov, Nókis qalası Muxammed Bakıy iyshan jome meshiti imam-xatibi Sh.Qudaybergenovlar qatnastı.
 
Ushırasıwda jaslar arasında huqıqbuzarlıqtıń hám jınayatshılıqtıń aldın alıw, olardı bir maqsette birlestiriw, kitap oqıwǵa bolǵan qızıǵıwshılıǵın asırıw, ekstremizm hám terrorizmge qarsı gúresiw, sonday-aq basqa da unamsız illetlerdiń aldın alıw boyınsha úgit-násiyat jumısları alıp barıldı.Rawajlanǵan zamanda rawajlanıp atırǵan mámlekette jasar ekenbiz, usı unamsız illetlerge qarsı tura otırıp keleshegimiz bolǵan jaslardan tek ǵana alǵa qádem basıwdı, bilim jolında úlken nátiyjelerge erisiwlerin, óz teńleslerin jaqsı maqset jolında birlestire alıwın sorap qalǵan bolar edik. Ushırasıw barısında qatnasıwshılar menen student jaslar arasında soraw-juwap òtkerilip, òzlerin qızıqtırǵan sorawlarĝa tiyisli juwaplar aldı. Ushırasıw qızıqlı hám tásirli ótti.