Usı jıldıń 9-10-oktyabr kúnleri Berdaq atındaǵı Qaraqalpaq mámleketlik universitetinde Joqarı bilimlendiriw, ilim hám innovaciyalar ministrligi baslaması menen Jáhán bankiniń “Ózbekstan milliy innovaсiya sistemasın modernizatsiya etiw” (MUNIS) joybarı sheńberinde eki kúnge mólsherlengen “Texnologiyalardı kommerciyalizaciyalastırıw hám startap joybarlardı ámelge asırıw” atamasında seminar-treningi ótkerildi.

Seminar-trening Jáhán banki koncultantı, texnologiyalardı kommerciyalizaciyalastırıw hám biznesti jolǵa qoyıw boyınsha 20 jıllıq tájiriybege iye bolǵan xalıqaralıq ekspert Sergey Makarov tárepinen alıp barıldı. Treningge Joqarı bilimlendiriw, ilim hám innovaciyalar ministrligi qánigeleri, Nókis qalasındaǵı barlıq joqarı joqarı oqıw orınları sonıń menen birge Qaraqalpaqstan awıl xojalıǵı hám agrotexnologiya institutınıń oqtıwshılarıda belsene qatnastı.