21-oktyabr Ózbek tiline til biyligi berilgenligine 34 jıl tolıwı múnásebeti menen institutımızda bayram ilajı júdá kóterinki ruxta ótkerildi. Màmleketlik til bolĝan ana tilimizdi qásterlewimiz, ata-babalarımız qaldırǵan mádeniy baylıqlarımızdı saqlawımız, keleshek áwladqa ana tilimizge bolǵan súyispenshiligimizdi qaldırıwda tildiñ tutqan òz ornın sáwlelendirip bere alıwımız lazım. Biz bilemiz, hár mámlekettiń óz ana tili bar, úlken baylıǵı bar. Ózbek ádebiyatlarımız, ádebiy qosıqlarımız bizdıń mádeniyatımız sanaladı.

Saltanatlı bayram keshemizdi Institutımız rektorı B.Jollibekov ashıp berip, ustazlar hám student jaslardı búgingi bayram menen qızǵın qutlıqladı. Onnan soń Instituttıń birinshi prorektorı R.Ibragimova sózge shıǵıp, ózbek tiline til biyligi berilgenıne 34 jıl tolıwı múnásibeti menen qosıq qatarlardan keltirip ótti. Bayram júdá qızıqlı hám mazmunlı bolıp, koncert baǵdarlamalasına baylanısıp ketti. Belsendilik etken tyutorlarımız da, ustazlarımız da bayram múnásibeti menen sıylıqlandı.