Tájriybe almasıw master klassı bolıp ótti.

Usı jıldıń 23-24-noyabr kúnleri aralıǵında Tashkent mámleketlik agrar universitetı professor oqıtıwshılarınan awıl xojalıǵı ilimlerı doctorı professor Aberqulov Mardon Nurbaevich hám awıl xojalıǵı ilimler doctorı docent Nazarov Xudayberdi Quydimuratovlar Qaraqalpaqstan awıl xojalıǵı hám agrotexnologiyalar institutına kelip, ózleriniń baspadan shıǵarǵan jańa ádebiyatların, oqıw-qollanbalar hám sabaqlıqlarınan 30 dan aslam kitapların institutımız kitapxanasına berip, ádebiyatlar menen bayıtıwǵa óz úleslerin qostı. Kelgen miyman professor oqıtıwshılarımız, ózleriniń bilim hám kónlikpelerin, jańadan shıǵarǵan kitapları menen bakalavr, magistratura tálim baǵdarı hám professor oqıtıwshılarǵa master klass sabaǵıń ótiw arqalı óz xizmetlerin kórsete aldı.
Sonday-aq institutımız rektorı B.Jollibekov hám bárshe professor oqıtıwshılar atınan, kelgen miyman professor oqtıwshılarımızǵa, óz bilim tájriybelerin bizler menen bóliskeni ushın MINNEDARSHÍLÍQ sıylıǵı menen xoshametlendi. Bunda institutımız professor oqtıwshıları menen birgelikte respublikalıq hám xalıqaralıq ilimiy joybarlar menen birge islesiwge kelisildi.