Qaraqalpaqstan awıl xojalıǵı hám agrotexnologiyalar institutı Agrobiologiya hám osimliklerdi qorǵaw fakulteti «Xabar texnologiyaları, matematika, fizika hám ximiya» kafedrası professor-oqıtıwshıları, xabar sistemaları hám texnologiyaları tálim baǵdarı studentleri ushın shólkemlestirilgen “Jasalma intellektti awıl xojalıǵı tarawlarına engiziwdiń mashqalaları hám sheshimleri” atamasındaǵı master klass bolıp ótti.
Kafedra baslıǵı R.Beglerbekov “Tashkent irrigaciya hám awıl xojalıǵın mexanizaciyalaw injenerleri instituti” milliy ilim izertlew universiteti Sanlı texnologiyalar hám jasalma intellekt kafedrası professorı, texnika ilimleri doktorı N.Mamatov hám Qaraqalpaq mámleketlik universiteti Algoritmlestiriw hám dástúrlew kafedrası docenti, PhD A.Qudaybergenovlardı qatnasıwshılarǵa tanıstırdı.
Professor N.Mamatov jasalma intellektti jaratıw, onı awıl xojalıǵına engiziwdegi mashqalalar hám sheshimleri haqqında maǵlıwmatlar berdi. Jasalma intellektti jaratıwda hár bir obyekttiń belgiler hám qásiyetler bazası jaratılıp, sol belgiler hám qásiyetler tiykarında obyektti tanıp alıw múmkin. Sonıń menen birge Arduino elektron konstruktorında robotlar jaratıp jasalma intellekt járdeminde olardı awıl xojalıǵı tarawlarında qollanıw múmkin. Professor tárepinen jasalma intellektti jaratıwda Python tilin úyreniwdi usınıs etti.