Búgin 1-mart kuni «Agrobiologgiya hám ósimliklerdi qorǵaw» fakultetinde shayıra Zulfiya Israilovanıń 109 jıllıǵı múnásibeti menen «Zúlfiya» atındaǵı mámleketlik sıylıqtıń iyeleri – A.Orazımbetova hám institutımız «Tiller» kafedrası assistenti, Zulfiya atındaǵı mámleketlik sıylıq iyesi filologiya ilimleri boyınsha PhD F.Sherjanova menen ushırasıw ótkerildi. Ushırasıw fakultettiń jaslar menen islesiw, ruwxıylıq hám aǵartıwshılıq isleri boyınsha dekan orınbasarı B.Jumashev, tyutorlar P.Dlanova, A.Qurbanova, R.Usenova, N.Orazbaevlar tárepinen shólkemlestirildi. Iláj dawamında miymanlar ózleriniń dóretiwshilik jolı, tarawdaǵı jetiskenlikleri menen bólisti. Sonday-aq studentler shayıra Zulfiya Israilovanıń dóretiwshiligi haqqında maǵlıwmatlarǵa iye boldı.