Qaraqalpaqstan Respublikasında 2023-jılda Agrar hám azıq-awqat tarawınıń rawajlanıwı boyınsha ámelge asırılǵan jumıslar hámde 2024-jılda ámelge asırılatuǵın baslı wazıypalardı belgilep beriw maqsetinde, Ózbekstan Respublikası Awıl xojalıǵı ministri Ibraxim Abduraxmanov  keldi.

Búgingi kúnde xalıqtı sapalı hám arzan túrdegi azıq-awqat ónimleri menen támiyinlew boyınsha mámleketimiz boylap bir qansha jumıslar ámelge asırılmaqta. Usılardıń qatarında, Qaraqalpaqstan awıl xojalıǵı hám agrotexnologiyalar institutı ilimpazları tárepinende jańa sortlardı jaratıw boyınsha qızǵın jumıslar alıp barılmaqta. Mine usınday jumıslar menen jaqınnan tanısıw maqsetinde, Ózbekstan Respublikası Awıl xojalıǵı ministri Ibraxim Abduraxmanov institutımızda miymanda boldı. Awıl xojalıǵı tarawındaǵı máseleler boyınsha, Qaraqalpaqstan Respublikası fermer hám klaster basshıları menen ushrastı.

Ushrasıwǵa Qaraqalpaqstan Respublikası Ministrler Keńesi Baslıǵınıń Awıl hám Suw xojalıǵı máseleleri boyınsha orınbasarı D.Qaypov, Qaraqalpaqstan Respublikası Joqarı Keńesi juwaplı xizmetkeri A.Jumanazarov, Qaraqalpaqstan Respublikası awıl xojalıǵı ministrı Q.Nurimbetovlar Institutımızǵa keldi hám Institut rektorı B.Jollibekov student jaslardıń awıl xojalıǵı tarawında jaqsı bilim alıwı ushın jaratılǵan imkániyatlar menen jaqınnan tanıstırıp bardı. Bul jerde bilim alıp atırǵan student jaslarımızdıń, ertengi kúngi awıl xojalıǵı tarawında jetik qánigeler bolıp shıǵıwı ushın bir qansha imkániyatlar jaratılǵanlıǵı haqqında da aytıp ótti. Ibraxim Abduraxmanov student jaslar menen ushrasıp, olardı bul taraw boyınsha elede qızıǵıwshılıǵın arttırdı. Onnan soń bárshe awıl xojalıǵı taraw qánigeleri menen ushrasıp, olarǵa 2024-jılda isleniwi kerek bolǵan jumıslar rejesi menen tanıstırıp, bir qansha tapsırmalar berip bardı.