Qaraqalpaqstan awıl xojalıǵı hám agrotexnologiyalar institutı rektorı B.Jollıbekov Ózbekstan Respublikası awıl xojalıǵı ministrligi qánigelerinen ibarat isshi topar aǵzası sıpatında Vietnam Socialistlik Respublikası menen Ózbekstan Respublikası ortasındaǵı awıl xojalıǵı hám azıq-awqat tarawlarında birge islesiwdi ele de jetilistiriw boyınsha jańa imkaniyatlardı úyreniw maqsetinde Vietnamǵa xızmet saparına jol alǵan edi.

  Sapar dawamında Vietnam Milliy awıl xojalıǵı universitetinde boldı. Vietnam Milliy awıl xojalıǵı universiteti Vica-Prezidenti  Prof. Dr. Pham Van Cuong menen eki tárepleme joqarı oqıw ornı aralarında birge islesiwdi rawajlandırıw boyınsha ushırasıw ótkerildi. Qaraqalpaqstan awıl xojalıǵı hám agrotexnologiyalar institutı rektorı B.Jollıbekov Vietnam Milliy awıl xojalıǵı universiteti menen birge qospa tálim baǵdarlaması (Double Degree) boyınsha bir qatar qánigeliklerdi kórip shıǵıwdı usındı. Vietnam Milliy awıl xojalıǵı universiteti Vica-Prezidenti  Prof. Dr. Pham Van Cuong bolsa rektorımıxdıń usınısın qollap quwatlap, eki mámleket ortasındaǵı baylanıslar mámleketlerimiz keleshegi bolǵan studentlerdi oqıtıwdan baslaw kerek ekenligin ayrıqsha atap ótti.