Ózbekstan Respublikası Prezidentiniń 2020-jıl 6-oktyabrdegi “Informaciyalıq texnologiyaları tarawında bilimlendiriw sistemasın jáne de jedellestiriw, ilimiy-izertlewlerdi rawajlandırıw hám olardı IT-industriya menen integraciyalaw is-ilajları haqqında”ǵı PQ-4851-sanlı qararınıń orınlanıwın támiyinlew maqsetinde hám Ministrler Kabinetiniń 2021-jıl 9-sentyabrdegi «Aǵla oqıwshılar arasında pán olimpiadaların ótkeriw sistemasın jedellestiriw hámde shet tillerdi oqıtıw boyınsha eń jaqsı mektepti anıqlaw sistemasın eńgiziw haqqında»ǵı 562-sanlı Qararınıń 1-qosımshası menen tastıyıqlanǵan Nızamnıń 4-bap 47-bántine muwapıq institutta ulıwma bilim beriw mektepleriniń pitkeriwshi klass hám kásip-óner mektepleriniń pitkeriwshi kurs oqıwshıları arasında “Informatika hám informaciyalıq texnologiyaları» páni boyınsha eki basqıshlı olimpiadasın ótkeriw rejelestirilgen.
Pán olimpiadasınıń birinshi basqıshı rayonlarda hám Nókis qalasında ótkerildi hám final basqıshı Qaraqalpaqstan awıl xojalıǵı hám agrotexnologiyalar institutında usı jıldıń 8-may sánesinde bolıp ótti. Pán olimpiyadasınıń saltanatlı ashılıwında final basqıshına start beriw hám qatnasıwshı oqıwshılarımızǵa áwmet tilew maqsetinde, institutımız rektorı B.Jollibekov sózge shıǵıp, bunday olimpiyadalardıń ótkeriliwi hám jaslarımızdıń bilimge degen qushtarlıǵın asırıwĝa túrtki bolatuĝının aytıp, qatnasıwshılarǵa áwmet tiledi.

Final basqıshında 1-2-3 orınlarǵa iye bolǵan jeńimpazlardı bahalı sawǵalar hám húrmet jarlıǵı menen xoshametlew ҳәм Olimpiadada eń joqarı ball toplap, 1-2-3-orınlardı iyelegen oqıwshılarǵa olardı instituttıń 60610200-«Xabar sistemaları hám texnologiyaları (awıl xojalıǵında sanlı texnologiyalar) tálim baǵdarına tólemli-kontrakt tiykarında imtixansız oqıwǵa qabıllaw hám birinshi oqıw jılı ushın kontrakt tólemlerin institut qarjıları esabınan ámelge asırılıwı belgilengen.
Olimpiyadanı joqarı dárejede, nátiyjeli shólkemlestiriw boyınsha àdalatlılıq, àshkaralıq hám haqıyqatlıq principi tiykarında insan faktorın (tóreshiler quramı) kemeytiw ilajları kórilgen. Oqıwshılardıń ustazları usı zaldan yamasa ata-anaları tuwrıdan-tuwrı internetten kórip otırıw imkaniyatı jaratılǵan.
Sonlıqtan búgingi final basqıshında eń bilimli oqıwshılardıń jeńimpaz bolıp, institutımız studentleri qatarına qosılıwna tilek bildirip qalamız. Hámmege áwmet yar bolsın.