SATREPS Yaponiya -Uzbekistan ilmiy baǵdarlaması sheńberinde “Water Balance across a Root Zone”  “Tamır ósiw zonasında suw balansı”seminarı bolıp ótti.

       Qaraqalpaqstan awil xojaliǵi hám agrotexnologiyalar  institutında 3 iuyn kúni  

dala sensorlarınan alǵan sanlardı teoriyalıq maǵlıwmatlarǵa aylandırıw boyınsha Yaponiyanıń Tottoti universiteti professorı Fujimaki sensey hám Mie universiteti professorı Matsuo Naoko hám Kristina Toderich qatnasında ilmiy seminar bolıp ótti. 

       Yaponiya-Ózbekstan SATREPS baǵdarlaması topıraqtı izertlew tarawında eń jetekshi ilimiy izertlew júmıslardı usınbaqta. Máselen, topiraqtıń suw sıyımlıǵın anıqlaw, topıraq tereńliginde suw muǵdarın anıqlaw, bunnan 10-15 jıl burın qol miynetin hám waqıttı kóp talap etetuǵın ilmiy-izertlew júmıslarınıń biri edi.

       Házirgi waqıtta zamanagoy aqıllı texnologiyalar boyınsha, dalada ósimlik osiw zonasina topıraqqa qoyılǵan sensorlar járdeminde, matematikalıq hám statistikalıq esaplawlar járdeminde kóp maǵlıwmatlar alıw mumkinshiligi haqqında  kóplegen maǵlıwmatlar berildi.   Institutımızdan ilmiy hám innivatsilıq isleri boyinsha prorektor Atabek Alimov, joybar baslıǵı professor Z. Sultanova, professor-oqıtıwshılar, joybarlardıń ilmiy xizmetkerleri, doktorantlar hám magistrantlar  aktiv qatnastı.