Francıya Rawajlanıw Agentiligi wákilleri menen ushırasıw!

  Usı jıldıń 13-iyun kúni Qaraqalpaqstan awıl xojalıǵı hám agrotexnologiyalar institutına Francıya Rawajlanıw Agentligi (FRA)niń Tashkent wákil xanası joybar qániygeleri Justin Peraud hám Adelaide Naudin miymanda boldı.
Miymanlardı institutımiz rektorı Jollibekov Berdiyar hám Xalqaralıq baylanıslar bólimi baslıǵı Abdullaev Esen kútip alıp, ushırasıw shólkemlestirildi. Ushırasıwdı institutimiz rektorı B.Jollibekov óz kiris sózi menen ashıp berdi hám institutımız haqqında maǵlıwmat berip, házirgi kúnde institımizdın xalqara shólkemler menen birgelikte alıp barıp atırǵan xalqara joybarlar haqqında tolıq maǵliwmat berdi.

  Óz gezeginde Justin Peruad 2022-jıldan baslap Fancıya Rawajlanıw Agentligi tárepinen Ózbekıstanda alıp barılıp atırǵan kóklemzarlastırıw hám irrigcıya tarawındaǵı joybarları haqqında maǵlıwmat berip, 2025-jıldan baslap FRAniń Nókis filialın ashıw rejelestirilgenligin aytıp ótip, keleshekte awıl xojalıǵı tarawında jańa joybarlardı birgelikte ámelge asırıw boyınsha dáslepki kelisimge erisildi.