Qaraqalpaqstan awıl xojalıǵı hám agrotexnologiyalar institutı tárepinen kórgizbeli dala  oqıw-seminarı ótkerildi.

   Búgin Qaraqalpaqstan awıl xojalıǵı hám agrotexnologiyalar institutı tárepinen «Qaraqalpaqstan Respublikasınıń ónimdarlıǵı tómen bolǵan topıraq ıqlım shárayatında awıl xojaliq eginlerin ilimiy innovacion usıllarda jetistiriw»  temasında shólkemlestirilgen kórgizbeli dala  oqıw-seminarı ótkerildi.
Kórgizbeli dala oqıw-seminarǵa  Qaraqalpaqstan Respublikası AKIS orayı bas qánigeleri hámde aymaqlıq agromásláhátshiler, fermerler mirat etildı. Kórgizbeli dala  oqıw-seminarın Qaraqalpaqstan awıl xojalıǵı hám agrotexnologiyalar institutınıń ilimiy hám innovaciyalar boyınsha prorektorı A.Alimov ashıp berdi. Onnan soń  Qaraqalpaqstan Respublikası AKIS orayı baslıǵı B.K.Annakulov Qaraqalpaqstan awıl  xojalıǵı eginlerinen joqarı ónim alıwda,xalıqtıń azıq-awqat qáwipsizligin támiynlewde ilimiy jumıslar menen shuǵıllanıp atırǵan ilimpazlar tárepinen islenip atırǵan is- ilajlar haqqında qatnasıwshılarǵa maǵlıwmatlar berip ótti.Ótkerilgen kórgizbeli dala oqıw-seminarda Ósimliklerdi qorg’aw, Sabzavotshıliq hám palızshılıq, Baǵdarshılıq hám júzimshilik, Sharwashılıq hámde suw tejewshi ilimiy innovatsion usillardi paydalaniw haqqında bahalı mag’lıwmatlar berildi. Kórgizbeli dala oqıw-seminarı qatnasıwshılari ózleriniń qiziqtirg’an sorawlarına  juwaplar aldı. Bunnan soń Qaraqalpaqstan awıl xojalıǵı hám agrotexnologiyalar institutı doktarant jasları bu’gingi kúnde ózleriniń alıp barıp atırg’an ilimiy isleri menen bo’listi.