Qaraqalpaqstan awıl xojalıǵı hám agrotexnologiyalar institutı student jaslar 2024-2025 jańa oqıw jılın basladı.

  Búgin Qaraqalpaqstan awıl xojalıǵı hám agrotexnologiyalar institutında jańa oqıw jılına baǵıshlanǵan saltanatlı bayram keshesi bolıp ótti. Bul bayram keshesin institutımiz rektorı B.B.Jollıbekov ashıp berip, Ózbekstan Respublikası Ǵárezsizliginiń 33 jıllıq bayramı menen bárshe student jaslarımızǵa bayram tileklerin hám jańa oqıw jılınıń tabıslı bolıwına tilekleslik bildirdi.

 2024-2025 oqıw jılında Qaraqalpaqstan awıl xojalıǵı hám agrotexnologiyalar institutına oqıwǵa qabıllanıp, student bolıw baxıtına miyassar bolǵan student-jaslardı hám olardıń
ata-anaların qızǵın qutlıqladı. Ishki tártip qaǵıydalar hám baslanıw aldında turǵan jańa oqıw jılındaǵı rejeler, bilim alıwǵa jaratılǵan imkániyatlar, jańa laboratoriya úskeneler menen támiyinlengenligi haqqında ayttı.

  Jańa oqıwǵa qádem baslaǵan student jaslarımızdıń oqıwǵa degen qızıǵıwshılıǵın elede arttırıw maqsetinde Qaraqalpaqstan awıl xojalıǵı hám agrotexnologiyalar institutında Jipekshilik hám tutshılıq tálim baǵdarında oqıp tálim alǵan 2023-2024- oqıw jılı Beruniy atindaǵı stependiya jeńımpazı Uzakova Farida inistitumizda oqıp tálim alıp 2024-2025- oqıw jılında Jipekshilik hám tutshılıq tálim baǵdarında magistraturaǵa oqıwǵa kirgenligin aytıp ótti hám studentlikke qádem qoyıp atırǵan jaslarǵada jaqsı tileklerin bildirdi.