Hayal-qızlar másláhát keńesiniń jańa oqıw jılındaǵı rejeleri belgilep alındı.

Usı jıldıń 11-sentyabr kúni  Qaraqalpaqstan awıl xojalıǵı hám agrotexnologiya institutı hayal-qızlar másláhát keńesiniń jańa 2024-2025-oqıw jılındaǵı dáslepki májilisi bolıp ótti.Májilisti rektor másláhátshisi Z.Mambetniyazova basqarıp bardı.
Kún tártibine muwapıq dáslep Keńestiń jańa quramı tastıyıqlandı hám jańa oqıw jılında institut hayal-qızlar másláhát keńesiniń jańa úlgi baǵdarlamasında belgilengen ilajlar rejesi boyınsha fakultet dekanları másláhátshileriniń wazıypaları túsindirip ótildi.Hár bir fakultette «Qızlarjan», «Lider qızlar» klublarınıń rejelerin islep shıǵıw, olardıń jetekshileri hám klub aǵzaların saylaw boyınsha islenetuǵın jumıslar kórip shıǵıldı.Sonday-aq, instituttıń ádep-ikramlılıq qaǵıydaların 1-kurslarǵa hár bir topar kesiminde túsindiriw hám úgit-násiyat jumısların alıp barıw, student qızlardıń turaq jaylar jáne ijara úyleri menen támiyinleniwin qadaǵalaw, hár topardaǵı sociallıq járdemge mútáj student qızlardıń jaǵdayları menen tanısıw sıyaqlı wazıypalar belgilep alındı.
Májiliste kún tártibindegi máseleler boyınsha óz ara pikir almasılıp, aldaǵı ámelge asırılatuǵın jumıslar dodalandı.